Әлмәт районында балалар юл-транспорт травматизмы темасына багышланган ата-аналар җыелышлары дәвам итә

«Игътибар-балалар!» кисәтү чарасы кысаларында Әлмәт шәһәренең № 21, 48, 31, 27, 2, 6нчы һәм Әлмәт районының Түбән Мактама шәһәр тибындагы поселогының 63 нче номерлы, Миңнебай балалар бакчаларында балалар юл-транспорт травматизмы темасына багышланган ата-аналар җыелышы узды. Максат: педагогларның һәм ата – аналарның юл хәрәкәтендә законга буйсынучы катнашучыларны тәрбияләүгә, куркынычсыз тормыш кагыйдәләрен формалаштыруга, балалар юл-транспорт травматизмын профилактикалауга юнәлдерелгән хезмәттәшлеккә омтылышларын берләштерү.

Дәүләт автоинспекциясе хезмәткәрләре ата-аналарны район буенча юл-транспорт һәлакәтләре статистикасы белән таныштырдылар, юл-транспорт һәлакәтләренең төп сәбәпләре һәм юл хәрәкәтендә законга буйсынучы катнашучылар булу кирәклеге турында сөйләделәр. Ата-аналарны балалар белән урамнарда һәм юлларда куркынычсыз тәртип кагыйдәләре буенча даими рәвештә аңлату әңгәмәләре үткәрергә, аларны һәр көн үтәргә һәм теләсә нинди юл ситуациясендә уңай үрнәк булырга кирәклеге турында искә төшерергә чакырдылар.

Шулай ук караңгыда балаларга да, өлкәннәргә дә яктылык кайтаручы элементлар булырга киңәш ителгән. Җыелыш ахырында әти-әниләргә видеофильмнар күрсәтелде, барысына да  юл хәрәкәте кагыйдәләре буенча тематик белешмәләр тапшырылды.

Фото: Россия Эчке эшләр министрлыгының Әлмәт районы буенча бүлегенең ЮХИДИ идарәсе