Әлмәттә узган «Тоннель»да 246 машина йөртүче тикшерелгән

29 майда Россия Эчке эшләр министрлыгының Әлмәт районы буенча дәүләт автоинспекциясе бүлеге тарафыннан аек булмаган хәлдә машина белән  идарә итүче шоферларның юл хәрәкәте кагыйдәләрен бозуларын ачыклауга юнәлдерелгән «Тоннель» массакүләм тикшерү буенча профилактик операция үткәрелде.

Әлеге операция барышында 246 машина йөртүче тикшерелгән һәм 8 юл хәрәкәте кагыйдәләрен бозу очрагы ачыкланган. Мәсәлән: 1 әлмәтле машина белән аек булмаган хәлдә идарә иткән; куркынычсызлык каешын  6 кеше эләктермәгән; 1 машинаның яктылык үткәрүе техник регламент таләпләренә туры килмәгән.

Фото: Әлмәт автоинспекциясе