Әлмәт автоинспекторлары әти-әниләр белән очрашты
Һәр ата - ана балаларны юл йөрү кагыйдәләренә генә түгел, ә аларны төгәл үтәүгә дә өйрәтергә тиеш.
Чара балалар юл-транспорт травматизмын профилактикалау, шулай ук юл хәрәкәте куркынычсызлыгын пропагандалау максатыннан узды.
Россия Эчке эшләр министрлыгының Әлмәт районы буенча Дәүләт автоинспекциясе бүлегенең пропаганда буенча инспекторы Курамшина Илгизә ата-аналарны Әлмәт районы территориясендә балигъ булмаганнар катнашында юл-транспорт травматизмы торышы турында мәгълүмат белән таныштырды һәм җәяүлеләргә бәрелүдән саклану өчен мондый юл-транспорт һәлакәтенең төп сәбәпләре турында сөйләде, яктылык кайтаручы элементларны куллануның мөһимлеген искәртте. Моннан тыш, юл һәлакәтләре урыннарыннан видеоматериаллар күрсәтте.
Җыелыш ахырында ата-аналарга юл йөрү кагыйдәләрен үтәү турында белешмәләр таратылды.
Фото: Россия эчке эшләр министрлыгының Әлмәт районы буенча бүлегенең ЮХИДИ идарәсе
Следите за самым важным и интересным в Telegram-каналеТатмедиа
Оставляйте реакции
