Юлларда
Әлмәттә автоледиларны автоинспекторлар котлады
Букетын артка яшергән автоинспектор рульгә хатын-кыз утырган машинаны туктата.
Халыкара хатын-кызлар көне алдыннан 8 мартта Дәүләт автоинспекциясе, «Юл хәрәкәте куркынычсызлыгы» хезмәткәрләре «Апельсин» компаниясе белән берлектә «Автоледи өчен чәчәкләр!» акция сен үткәрде.
Матур хатын-кызларга руль артында чәчәкләр, тематик бүләкләр бирделәр һәм бәйрәм котлаулары белән бергә исән-имин, авариясез йөрергә һәм куркынычсыз юллар гына теләделәр!
"Ягымлы ханымнар шатланып гаҗәпләнделәр, акцияне оештыручыларга чын күңелдән рәхмәт белдерделәр һәм күтәренке кәеф белән үз юлларын дәвам иттеләр!", - дип хәбәр итә оештыручылар.
Фото: Әлмәт автоинспекциясе
Следите за самым важным и интересным в Telegram-каналеТатмедиа
Оставляйте реакции
