Әлмәттә яңартылган юл йөрү системасы эшли башлады

Хәзер электрон юл йөрү билетлары булганнар бер сәгать эчендә бушлай бер урынга күчеп утыра ала. Бер транспорт чарасында түләү вакытыннан алып, 60 минуттан кимрәк вакыт узса, икенче транспорт чарасында йөргән өчен түләгәндә йөрү саны үзгәрми.

Мисал: картада 30 тапкыр бару, пассажир башта автобуста, аннары троллейбуста йөрү өчен түли. Әгәр түләүләр арасында  кимендә 60 минуттан кимрәк вакыт узса,  картадан бер сәфәр югалачак һәм  29 калачак,  әгәр түләүләр арасында арасында 60 минуттан артык вакыт узса,  ике сәфәр дип исәпләнәчәк  һәм 28 калачак .

Шулай ук физик затлар өчен тарифлар линиясе киңәйтелде, 10, 20, 30 һәм 40 тапкыр бару өчен юл йөрү мөмкинлеге барлыкка килде.

Бәясе мөмкин булган күчереп утырулар санына бәйле. 10 тапкыр йөрү өчен иң арзан электрон билет 280 сум торачак. 40 күчереп утыруга бәя 1000 сум тәшкил итәчәк. Лимитсыз тарифны 1840 сумга сатып алырга мөмкин.

Нульле баланслы транспорт картасы булган кешеләр аңа юл билетын тоташтыра ала.

Транспорт картасын автовокзалда, шәһәрнең почта бүлекчәләрендә яки җәмәгать транспортында кондуктордан сатып алырга мөмкин.

Балансны карталарны сату пунктларында яки «Социаль карта»  сайтында, ТР Дәүләт хезмәтләре порталында  онлайн тулыландырырга мөмкин

Тулырак мәгълүмат:  «Социаль карта» сайтында яки 8 904 670 77 57 телефон номеры.