Юлларда
Әлмәт-Азнакай юлына ремонт ясалды
Татарстанда юлчылар Әлмәт — Азнакай автомобиль юлы участогын ремонтлауны төгәлләделәр.
Эшләр Әлмәт районында «Куркынычсыз сыйфатлы юллар» милли проекты буенча 20,9-22,9 км ераклыкта алып барылды, дип хәбәр итә ТР Транспорт һәм юл хуҗалыгы министрлыгы матбугат хезмәте.
"Эшчеләр ныклы вак таш-мастик асфальтобетоннан өске катлам түшәделәр, трассаны торгыздылар, юллар кисешкән урыннарны эшкәрттеләр, һәр яктан юл кырыйларын ныгыттылар, шулай ук юл тамгалары төшерделәр", — диләр министрлыкта.
Автомобиль юлының ике полосасы бар һәм хәрәкәт итү өлешенең киңлеге җиде метр. Ул Елга Баш, Актүбә, Мәлбагыш кебек торак пунктларны тоташтыра.
Следите за самым важным и интересным в Telegram-каналеТатмедиа
Оставляйте реакции
