Әлмәттә балалар бакчаларына капиталь ремонт ясыйлар

Әлмәттә балалар бакчаларына капиталь ремонт ясыйлар

Әлмәттә мәктәпкәчә белем бирү системасын планлы рәвештә яңарту дәвам итә. Эшләр «Мәгариф объектларын капиталь ремонтлау» республика программасы кысаларында алып барыла. Ике балалар бакчасын ремонтлауга республика бюджетыннан 83 миллион сум акча юнәлдерелгән. Ике объектта да уздырыла торган чаралар «Яшьләр һәм балалар» милли проектының максатларына һәм бурычларына туры килә. Бу хакта район башлыгы Гүзәл Хәбетдинова хәбәр итте.

🔹Беренче объект-43 нче «Белочка» балалар бакчасы. 1979 елда төзелгән бина яңартылуга бик мохтаҗ иде. Моңа кадәр капиталь ремонт 2008 елда үткәрелгән. Бакча 160 балага исәпләнгән. Быел подрядчылар электр белән тәэмин итү, салкын һәм кайнар су белән тәэмин итү системаларын, шулай ук элемтә челтәрен дә кертеп, эчке инженерлык коммуникацияләрен тулысынча алыштырдылар. Түбә ябу эшләре төгәлләнгән, баскычлар яңартылган. Янгын сүндерү сигнализациясе монтажланган. Хәзерге вакытта биналарның эчке бизәлеше буенча эшләр бара. Керү төркеме яңартылачак.

Икенче объект-230 урынга исәпләнгән «Малыш» балалар бакчасы. 1972 елда төзелгән бина. Монда капиталь ремонт 2014 елда башкарылган. Объектта җылыту, су һәм электр белән тәэмин итүнең инженерлык челтәрләрен яңарталар. Түбәгә капиталь ремонт ясалган. Беренче катта төркем бүлмәләрендә, өч кабинетта, шулай ук кер юу һәм үтүкләү бүлмәләрендә эшләр башкарыла.

"Эшләр ел башында башланды. Ремонт график буенча бара. Тиздән сабыйлар иртәне яңартылган, уңайлырак балалар бакчаларында каршы алырлар дип көтәбез", — дип уртаклашты Гүзәл Хәбетдинова социаль челтәрләрдә.