Мөстәкыйльлек күнекмәләрен үстерделәр
«Гаилә» милли проекты кысаларында Әлмәт җирлегендә бик күп социаль объектлар төзелә һәм чаралар үткәрелә.
Әлеге проект «Демография» милли проектының киңәйтелгән дәвамы булып тора.
Шәһәрдә һәм районда гаилә кыйммәтләрен үстерүгә, аларның мәнфәгатен кайгыртуга аеруча зур игътибар бирелә. Физик мөмкинлекләре чикләнгән балаларны тәрбияләүче гаиләләргә күп функцияле гаилә үзәгендә ярдәм күрсәтелә. Биредә алар өчен төрле чаралар еш үткәрелеп тора.
Күптән түгел биредә 2025-2026 елларга каралган «Инвалид балалар тәрбияләүче гаиләләргә ярдәм» юнәлеше буенча төбәк чаралар комплексы кысаларында балаларга ярдәм фонды гранты акчасына алынган җиһазларны кулланып, менталь тайпылышлары булган кешеләрнең мөстәкыйльлек күнекмәләрен үстерүгә һәм социализацияләүгә юнәл-дерелгән чара узды.
Чара кысаларында катнашу-чылар остазлары белән бергә яшелчәләр белән тәмле йомырка тәбәсе әзерләделәр һәм хуш исле компот кайнаттылар. Балалар өчен бу кулинария осталыкларын күрсәтү генә түгел, аралашу һәм уңай хис-кичерешләр алу өчен менә дигән мөмкинлек булды. Тәҗрибәле остазлар җитәкчелегендә барысы да ризык әзерләүгә үз өлешләрен кертә алдылар: кемдер йомырка ватты, икенчеләре яшелчә турады, ә кемдер компот кайнатуда булышты.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia