Әлмәттә махсус хәрби операция сугышчыларының гаиләләренә торакка таныклыклар тапшырдылар
Әлмәттә торак шартларын яхшырту өчен социаль түләү алуга таныклыклар тапшыру тантанасы булды.
Әлмәттә махсус хәрби операция сугышчыларының гаиләләренә торакка таныклыклар тапшырдылар
Әлмәттә торак шартларын яхшырту өчен социаль түләү алуга таныклыклар тапшыру тантанасы булды. Әлмәт муниципаль районы башлыгы Гүзәл Хәбетдинова махсус хәрби операциядә катнашучыларның ике яшь гаиләсенә документлар тапшырды.
Хәрби хезмәткәрләрнең гаиләләренә ярдәм «Россия Федерациясе гражданнарын һәркем сатып ала алырлык уңайлы торак һәм коммуналь хезмәтләр белән тәэмин итү» федераль программасы һәм «Татарстан Республикасында яшь гаиләләрне торак белән тәэмин итү» төбәк проекты ярдәмендә мөмкин булды.
2025 елда Әлмәт районы әлеге төбәк проектында актив катнашучылар рәтенә керде. Программа федераль финанслашу шартларында түләүсез дәүләт субсидияләре бирүне күздә тота. Түләү күләме торак бәясенең 35% тәшкил итә, бу торак мәсьәләсен хәл итүгә зур өлеш кертә.
Әлеге программаны гамәлгә ашыру турыдан-туры гаилә институтын ныгытуга, яшь ата-аналарга ярдәм итүгә һәм балаларны лаеклы тәрбияләү өчен шартлар тудыруга юнәлдерелгән «Гаилә» милли проектының максатларына һәм бурычларына ирешүгә ярдәм итә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia