Әлмәтлене 101 яше белән котладылар

Әлмәтлене 101 яше белән котладылар

 10 февральдә тыл хезмәтчәне, хезмәт ветераны, гаять көчле рухлы  Мәбрүрә Нурмөхәммәт кызы Шәймәрданованы 101 яшьлек юбилее узды.

Мәбрүрә Нурмөхәммәт кызы 1925 елда Әлмәт районының Гөлбәкча авылында күп балалы крестьян гаиләсендә туа. Аның тормышы-ныклык һәм фидакарьлек үрнәге. Бөек Ватан сугышы башланганда, аңа 16 яшь булганда, аны Пермь краеның Березники шәһәренә төзелеш эшләренә җибәрәләр. Уку урынына ул биш ел буе башка кызлар белән бергә траншеялар казый һәм кырык градуслы суыкта резина итек киеп,  кул белән чокыр казыды. Ул эвакуацияләнгән заводлар һәм тимер юллар өчен фундамент төзегән.
1950 елдан Мәбрүрә Нурмөхәммәт кызы Яңа Кәшер авылында колхозда эшли. 1960 елдан ул Яңа Кәшер табиб амбулаториясендә санитарка булып хезмәт итә, ә аннары пешекче була. Аның никахы 63 ел дәвам итә, һәм алар биш бала тәрбияләп үстерәләр: дүрт ул һәм бер кыз.
Хезмәт эшчәнлеге өчен Мәбрүрә Нурмөхәммәт кызы берничә мәртәбә Мактау грамоталары һәм кыйммәтле бүләкләр белән бүләкләнә. Хәзер аңа 101 яшь, әмма ул акыл сафлыгын саклый, газета укый һәм оныклары Һәм оныкчыклары өчен игелекле һәм акыллы әби булып кала.

Әлмәт үзәк район хастаханәсе ветераннар советы рәисе Флера Госман кызы Галләмова бөтен коллектив исеменнән Мәбрүрә Нурмөхәммәт кызын җылы котлады!