Сөлге киптергеч аркасында бәхәс идарәче компания белән Әлмәт кешесе арасында чыккан
Идарәче компания яңа торба куюдан баш тарткан.
ТР торак инспекциясе матбугат хезмәте мәгълүматы буенча, барысы да Ленин урамындагы 49 нчы йорттагы фатирларның берсендә сөлге киптергеч шартлаудан башланган. «ЖЭУ-3» слесарь килә, заглушкалар куя һәм торбаларны сүтә. Тик менә яңасын урнаштырмый, бу милекче бурычы дип әйтә.
Ир-ат жилинспекциягә мөрәҗәгать иткән, һәм идарәче компаниягә сөлге киптергеч-гомумйорт милкенең бер өлеше дип аңлатырга туры килгән. Хокук бозган өчен ЖЭУ-3 директорына 50 мең сум штраф салганнар.
Идарәче компания судта штрафны кире кагарга тырышып караган, әмма суд инспекция белән килешкән һәм җәзаны үз көчендә калдырган.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia