Генераль репетицияләр һәм бәйрәм чаралары белән бәйле рәвештә Ленин мәйданында транспорт хәрәкәте схемасы вакытлыча үзгәрәчәк:
✅Ленин урамы (42 нче йорттан 46 нчы йортка кадәр): 18 августтан 2 сентябрьгә кадәр, шулай ук 7 сентябрьдән 11 сентябрьгә кадәр хәрәкәт өлешчә туктатыла. Чикләү төп сәхнә һәм троллейбус линияләрен монтажлау һәм демонтажлау эшләрен башкару белән бәйле.
✅Гагарин урамы (Ленин урамы 7 һәм 10 нчы йортлар): 18 август 12:00 сәгатьтән 8 сентябрь 06:00 сәгатькә кадәр хәрәкәт тулысынча ябыла.
Машина йөртүчеләргә маршрутларны алдан планлаштырырга киңәш итәләр. Исегезгә төшерәбез, быел нефтьчеләр көне 6 сентябрьдә узачак.