ТР транспорт һәм юл хуҗалыгы министры Фәрит Хәнифов Әлмәткә эш визиты белән килде

Бүген район хакимияте бинасында Татарстан республикасы транспорт һәм юл хуҗалыгы министры Фәрит Хәнифов белән эшлекле киңәшмә узды. Чарада шулай ук район башкарма комитеты җитәкчесе Гүзәл Хәбетдинова, башкарма комитет җитәкчесенең беренче урынбасары Айдар Каюмов, төзелеш буенча урынбасары Илсур Сәлимгәрәев һәм профильле оешмалар вәкилләре катнашты.

Киңәшмә барышында министр районда юл инфраструктурасы торышына кагылышлы кайбер актуаль темаларны яңгыратты. Ул билгеләп үткәнчә, юл челтәренең дөрес эшләве гражданнарның хәрәкәт иминлеген һәм уңайлылыгын тәэмин итүдә төп фактор булып тора. Бу җәһәттән Фәрит Хәнифов бөтен ил буенча юл челтәрен яхшыртуга юнәлдерелгән «тормыш өчен инфраструктура» милли проектын гамәлгә ашыруга игътибарны юнәлтте. Шулай ук ТР транспорт һәм юл хуҗалыгы министры игътибарны җирле әһәмияттәге юлларда йөк машиналары өчен тыю билгеләре кую кирәклегенә юнәлтте.

Фәрит Хәнифов ассызыклаганча, мондый чаралар юл өслегенең зарарлануын булдырмаска һәм җиңел автомобильләр хәрәкәтенең куркынычсызлыгын тәэмин итәргә ярдәм итәчәк. Киңәшмә барышында халыкны транспорт белән тәэмин итүгә кагылышлы мәсьәләләр кузгатылды. Хәзерге вакытта муниципаль берәмлектә 14 авыл маршрутында (Татарстан Республикасы тарафыннан субсидияләнә торган) һәм 8 муниципальара маршрутта пассажирлар йөртү турында фикер алыштылар.

Киңәшмә йомгаклары буенча район башкарма комитеты җитәкчесе Гүзәл Хәбетдинова юл хәрәкәтен оптимальләштерүгә һәм инфраструктураны яхшыртуга юнәлдерелгән кайбер карарлар әзерләргә кушты.

Фото: Әлмәт районы башлыгы матбугат хезмәте