Әлмәт волонтерлары хәрбиләргә ярдәм итәләр

Волонтерлар маскировка челтәрләре һәм костюмнар, окоп шәмнәре, коры ашлар һәм башка күп нәрсәләр ясый, ә битараф булмаган халык волонтерлар штабларына азык-төлек, дарулар һәм шәхси гигиена чаралары китерә.

 Волонтерларның иганәчеләре-битараф булмаган шәһәр кешеләре.

«Без материалны битараф булмаган кешеләр акчасына сатып алабыз.  Еш кына социаль челтәрләрдә ярдәм сорыйбыз», - дип сөйләде волонтер Элина Иксанова.

 «Хәзер без окоп шәмнәре ясарга әзерләнәбез. Аннары шундый шәмнәр ясала, алар белән егетләр окопларда җылына», - ди волонтер Василий.

Волонтерлар төркеме элеккеге яшүсмерләр клубы бинасына җыела. Штаб Анастасия Митяева инициативасы белән барлыкка килде. Хатын-кыз ире белән хәрби хәрәкәтләр башланганнан бирле гуманитар ярдәм җыю белән шөгыльләнгән. Анастасиянең ире тәҗрибәле хәрби, 2022 елның көзендә ул махсус хәрби операция зонасына эләккән.

«Бераз курку булды, ул инде Чечняны узды. Әмма ышаныч һәм өмет беркайчан да бетми. Мин аның исән — сау өйгә кайтачагына ышанам, чөнки ул безгә вәгъдә итте», - дип сөйләде волонтер.

Анастасия Митяева якыннары хәзер хәрби хәрәкәтләр зонасында булганнарны берләштерде. 

Хатыннар һәм аналар берләшмәсе һәр 2-3 ай саен гуманитар йөк җибәрә. Әлмәтлеләр азык — төлек, гигиена чаралары, дарулар китерә-болар барысы да сугыш хәрәкәтләре зонасына китә. Волонтерларга хәзер үк ярдәм итәргә мөмкин.