Әлмәттә 7000гә якын яктырткыч алыштырылачак

Әлмәт районы  башлыгы Тимур Нагуманов  шул хакта хәбәр итте.

Ул сөйләгәнчә, якынча мондый күләмне  светодиодлы заманча яктырткычларга алыштырачаклар.

Аның сүзләренә караганда, эшләрнең беренче этабы инде төгәлләнгән. Күз өчен уңайлы яктылык сайланды. Шулай ук идарә шкафлары ясаганнар, алар ярдәмендә фонарьлар кабызылачак һәм сүндереләчәк.

Тимур Дмитриевич ут сервисының сыйфатлы эшләвен билгеләп үтте, эшнең икенче этабында тагын 3500 яктырткыч ясалачак.