Күп балалы гаиләләр яши торган Әлмәт микрорайоннарында юл салу эшләре башланды

Әлмәттә күп балалы гаиләләр яши торган микрорайоннарда юлларга вак таш-ком катнашмасы салу эшләре башланды.

Бу Татарстан рәисе Рөстәм Миңнеханов ярдәме белән мөмкин булды. Бу хакта Туры эфир вакытында район башлыгы Тимур Нагуманов хәбәр итте. Белгечләр М-4 микрорайонында таш ташырга керештеләр. Урамнарның берсендә таш салу эшләре бара. Башка урамнарда әзерлек этабы уза, дип ассызыклады район башлыгы.

Түбән Мактамада эшләр тәмамлангач, юлчылар Урсалыга күчәчәк.

Фото: t.me/pressalmet