Әлмәт-Россия триатлоны үзәге
Әлмәт инде җиденче тапкыр триатлон үзәгенә әверелә, ярышлар 2018 елдан бирле ел саен үткәрелә.
Триатлон-уникаль спорт төре, ул берьюлы өч дисциплинаны берләштерә: йөзү, велоузыш һәм йөгерү.
Чираттагы тапкыр безнең шәһәр илнең 20 төбәгеннән 780дән артык иң көчле спортчыны кабул итте, алар арасында – Россия беренчелегендә катнашучылар, терәк-хәрәкәт аппараты зарарланган спортчылар, шулай ук бөтенроссия балалар лигасында һәм һәвәскәрләр триатлонында катнашучылар. Ярышлар берничә этапта узды. Беренче көнне юниорлар ярышты, шулай ук «Sprint» шәхси зачетында һәм «Sprint relay» команда эстафетасында иң массакүләм старт булды. Рөстәм Миңнеханов Әлмәт муниципаль районы башлыгы Тимур Нагуманов озатуында Әлмәткә эш сәфәре кысаларында ярышларда булды. Ул ярышлар барышын күзәтте, шулай ук спортчылар белән аралашты. Моннан тыш, республика рәисе пляжны төзекләндерү белән танышты һәм җирле осталарның сувенир әйберләре күргәзмәсен бәяләде.
Икенче көнне терәк-хәрәкәт аппараты зарарланган кешеләр арасында триатлон буенча Россия чемпионаты узды. Инде өченче ел рәттән безнең шәһәрдә терәк-хәрәкәт аппараты зарарланган спортчылар өчен ярышлар үткәрелә, быел ярышларда 32 паратриатлет катнашты, шуларның 3се махсус хәрби операциядә катнашучылар. Алар көчле рухлы, кыю һәм максатчан югары класслы спортчылар.
Ярышларны Татарстан республикасы балалар лигасының яшь спортчылары япты.
Фото: rais.tatarstan.ru
Следите за самым важным и интересным в Telegram-каналеТатмедиа