Әлмәттә скейт мәйданчыгы ябылды

ЗАГС янындагы скейт мәйданчыгы ремонтка ябылды. Ул, ремонтланган шарлавыклы буалар зонасы белән бергә 2017 елда тапшырылган. «Җәмәгать киңлекләре» программасы кысаларында финанслау республика һәм федераль бюджеттан каралды. Әлеге мәйданчык еллар дәвамында яшьләрнең яраткан урыны булып тора. Хәзер исә, ул яраксыз хәлдә, агач япмасы тузган. Ремонт эшләренең күпме дәвам итәчәге әлегә билгеле түгел.