Тимур Нагуманов Әлмәттә кар төшүдән зыян күргән сабыйның гаиләсе белән очрашты

Әлмәт районы башлыгы Тимур Нагуманов кар төшү нәтиҗәсендә зыян күргән баланың гаиләсе белән очрашты. Мәгълүматны башлыкның матбугат хезмәте тапшыра, Нагуманов вакыйга булган көнне гаилә белән очраша.

"Без дәвалау барышын күзәтүне дәвам итәбез һәм кирәк булса, гаиләгә кирәкле ярдәм күрсәтеләчәк", - дип хәбәр ителә.

Исегезгә төшерәбез, Әминов урамында тторак йорт түбәсеннән кар төшү нәтиҗәсендә ир-ат һәм 5 айлык бала зыян күргән. Ир-атка хастаханәгә яту кирәк булмаган. Бала республика балалар клиник хастаханәсенә китерелә.

Матбугат хезмәте мәгълүматларына караганда, идарәче компанияләргә йортларның һәм социаль объектларның түбәләрен чистарту эшен көчәйтергә кушылган. Экология һәм төзекләндерү департаменты хезмәткәрләре карау нәтиҗәсендә чистарту өлешендә 43 хокук бозу очрагы ачыкланган, 18се хәзерге вакытта бетерелгән.

«Әлеге вакыйга булган йортны "Әлмәт " идарәче компаниясе хезмәтләндерә. Әлеге идарәсе компания  20 февральдә эшләрнең барышы турында хисап бирде, фото - һәм видео дәлилләр бирде. Әмма эшләр сыйфатлы башкарылмаган",- дип хәбәр итә башлыкның матбугат хезмәте.

Инцидент турында мәгълүмат контроль-күзәтчелек органнарына идарәче компаниянең гомумйорт милкен тоту буенча бурычларын тиешенчә үтәвен тикшерү өчен тапшырылган.