Әлмәт районында полимер күкерт җитештерү җайланмасы төзеләчәк

Проект экспертларның уңай нәтиҗәсен алды, дип хәбәр итә ТР Мәдәни мирас объектларын саклау комитеты.

Төзелеш өчен участокның мәйданы 9,1 гектар тәшкил итә, ул «Татнефть»ААҖнең хәзерге объекты территориясендә урнашкан. Участок Иске Суркин, Миңнебай һәм Васильевка авылларыннан ерак түгел урнашкан.

Тикшерүләрнең берничә этабында археологик предметлар һәм бу территориядә булырга мөмкин булган мәдәни мирас объектлары булуның башка билгеләре ачыкланмаган.

Полимер, яки эреми торган, күкерт - шина һәм резинотехника сәнәгате өлкәсендә төп чимал. Моннан тыш, аны төзелеш материаллары, мәсәлән, күкерт бетоны, асфальт-бетон җитештергәндә кулланалар. Алынган материалларны транспорт, гидромелиорация, гидротехника һәм башка төзелеш тармакларында кулланалар.