Әлмәттә «Автосессия – 2023» йөртү осталыгы конкурсы узды

13 сентябрьдә Әлмәт ДОСААФ автомәктәбе базасында студент-автомобилистлар арасында «Автосессия – 2023» республика машина йөртү осталыгы конкурсының шәһәр этабы узды. Конкурс Россия Эчке эшләр министрлыгының Әлмәт районы буенча бүлеге, Әлмәт шәһәрендәге «юл хәрәкәте иминлеге» дәүләт бюджет учреждениесенең территориаль идарәсе һәм ТР «ДОСААФ» автомәктәбе тарафыннан үткәрелде.

Әлеге чараның максаты: яшьләр арасында юл хәрәкәте кагыйдәләрен белүне ныгыту; югары уку йортлары студентларын һәм урта махсус уку йортлары укучыларын юл хәрәкәте куркынычсызлыгын пропагандалауда катнашуга җәлеп итү; яшь машина йөртүчеләрдә юлда җаваплылык хисе формалаштыру.

Катнашучыларга түбәндәге этапларны үтәргә кирәк иде:
1."Автомобильне техник карау"
2."Юл хәрәкәте кагыйдәләрен белүчеләр"
3."Фигуралы машина йөртү"

Барлык этапларны узу нәтиҗәләре буенча җиңүче булып, Әлмәт һөнәри көллияте командасы билгеләнде .
Икенче урын –Әлмәт политехник техникумы.
Өченче урын - Әлмәт физик культура колледжы.

«Юл хәрәкәте кагыйдәләрен белүчеләр» һәм «фигуралы автомобиль йөртү» номинацияләрендә иң яхшысы итеп Әлмәт политехник техникумы студенты Моратшин Эльдар билгеләнде.

Барлык катнашучыларга истәлекле бүләкләр тапшырылды.

Фото: Россия Эчке эшләр министрлыгының Әлмәт районы буенча бүлегенең ЮХИДИ идарәсе