Әлмәт таңнары

Әлмәт районы

18+
2024 - Гаилә елы
Җәмгыять

Әлмәт шәһәр күлен су коену сезонына әзерләделәр

Сулыкта көн саен пляжны чистарталар һәм атна саен суның сыйфатын контрольдә тоталар.

Әлмәтнең су объектларыннан су коену сезонына шәһәр күле генә әзер. Бу хакта 7 нче эзләү-коткару отряды начальнигы урынбасары Фәсхетдин Сыраев хәбәр итте.

- Бу сулыкларда коткару посты булдырылган, шартлар бар: чәй, кофе эчәргә мөмкин. Фонтаннар һәм яхшы пляж бар. Пляжны чистарту көн саен башкарыла. Суның сыйфаты атна саен контрольдә тотылсын өчен чаралар күрелә. Бу шартлар шәһәр халкы өчен тудырылган, - дип сөйләде ул Әлмәт районы башлыгы Тимур Нагуманов белән бергә туры эфир вакытында.

Шәһәр башлыгы шушы көннәрдә шәһәр күлендә су коенганын белдерде. Аның сүзләренчә, андагы су әйбәт.

- Күргәнегезчә, проблема юк: тере, сау-сәламәт каршыгызда  утырам, - диде ул.

Сыраев   шәһәр сусаклагычында су коену өчен өстәмә урын булдыру чараларын күрүләрен дә әйтте. Моның өчен суның сыйфаты һәм шартларның туры килүен ачыкларга кирәк.

- Киләсе елда  сусаклагычта яңа ял зонасы булыр дип ышанам. Ләкин бу инде, әйтелгәнчә, минем компетенциям түгел, моны инде шәһәр үзе хәл итәчәк, - дип нәтиҗә ясады ул.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса