15 әлмәтле контракт буенча хезмәт итәргә китте

Әлмәтнең 15 кешесе контракт буенча хезмәт итәргә киткән. Аларны озатырга туганнары һәм якыннары килде. Үгет - нәсыйхәт сүзләре хәрби комиссардан һәм район башкарма комитеты җитәкчесеннән яңгырады.

18 яшьтән алып 60 яшькә кадәрге 15 әлмәтле контракт буенча хезмәт итәргә карар кыла. Күпләр махсус зонадагы сугышчыларга ярдәм итәргә тели, ә кайберләре, моңа өстәп, балачак хыялын тормышка ашырырга да тели.

Сергей-Оборона министрлыгы белән контракт төзергә карар итүчеләрнең берсе. Ир - ат сүзләре буенча, ул башкача эшли алмаган.

– Егетләр, Ватаныгыз, Россия өчен хезмәт итегез, ватаныгызга ярдәм итегез, - ди Сергей.

Хәрби хезмәткәрләр гаиләләреннән еракта туган илләренә бурычларын түләгәндә, аларның якыннары турында кайгыртуны Әлмәт башкарма комитеты үз өстенә ала.

- Шушы вакыттан башлап гаиләләрегез, якыннарыгыз турында кайгырту безнең җилкәгә төшә. Без моның белән көндез дә, төнлә дә шөгыльләнәчәкбез: көнкүреш проблемалары, укыту һәм башка мәсьәләләрне хәл итәчәкбез, – дип ассызыклады район башкарма комитеты җитәкчесе Айдар Каюмов.

Башта әлмәтлеләргә уку бүлекчәләрендә әзерлек үтәргә туры киләчәк. Шуннан соң гына аларны дислокация урыннарына җибәрәчәкләр.

Контракт төзегәндә сугышчыларга 195 000 сум күләмендә бер тапкыр бирелә торган пособие, 204 мең сум түләү, Оборона министрлыгы хисабына тиз арада торак алу мөмкинлеге, шулай ук башка социаль ташламалар һәм гарантияләр каралган. Хәрби контракт төзү мәсьәләләре буенча Әлмәт хәрби комиссариатына Р. Фәхретдин урамы, 11а адресы буенча мөрәҗәгать итәргә мөмкин.Телефон: 8(8553) 43-63-92.

Хәрби хезмәткәрләрнең гаиләләренә ярдәм алу өчен махсус штабка мөрәҗәгать итәргә кирәк – ул яшьләр үзәгендә урнашкан.