Әлмәт-РФдә җан башына иң күп автомобиль туры килгән шәһәр

1 мең кешегә 542 автомобиль туры килә, бу россиядәге уртача күрсәткечнең 170% дигән сүз. Ил буенча уртача бу күрсәткеч 319.

"Әлмәт-риск зонасында. Бу хәл әлегә яхшы, ләкин динамика критик. Автомобильләштерүне үстергәндә, халык саны артуны исәпкә алып, якын киләчәктә шәһәр бөкеләрдә утыра башлаячак", - дип билгеләп үтте район башлыгы Тимур Нагуманов.

2022 елда район 195 млн сумга 6 троллейбус һәм 18 автобус сатып алган. Автобуслар шул исәптән «Татнефть» ярдәме белән сатып алынган.

2023 елда 13 автобус һәм шәһәр өчен биш троллейбус сатып алуга 216 млн сум акча сарыф итәргә планлаштыралар.