Әлмәт районы башлыгы мобилизацияләнгәннең гаиләсендә булды

Район башлыгы Тимур Нагуманов мобилизацияләнгән хәрби хезмәткәрнең тормыш иптәше янына барды. Яшь ананы улы туу белән котлап, Тимур Нагуманов гаиләнең мөһимлеген  билгеләп үтте.

- Сезнең гаилә башлыгы хәзер үзенең гражданлык бурычын үти, Ватан мәнфәгатьләрен яклый. Бу хөрмәткә лаек. Чын күңелдән Сезгә зур бәхет һәм нык сәламәтлек телим! Җиңүчебезнең тизрәк өйгә кайтуын көтәбез! - диде район башлыгы.

Яңа туган малай Алан гаиләдә икенче бала. Хәзер алар өчесе әтиләренең кайтуын көтәләр.

Фото: Әлмәт районы башлыгы матбугат хезмәте