Әлмәттә 163 эшсез граждан теркәлгән

Әлмәт халыкны эш белән тәэмин итү үзәгендә теркәлгән эшсез гражданнар саны агымдагы елның 1 гыйнварына 163 кеше тәшкил итте, узган ел эшсезләр саны 700 кеше иде. Бу хакта «Россия эше» кадрлар үзәгендә хәбәр иттеләр.

Шулай итеп, теркәлгән эшсезлек дәрәҗәсе 0, 15%. Эш бирүчеләр 2023 елның 1 гыйнварына 1677 берәмлек хезмәткәрләргә ихтыяҗ белдергән.

Агымдагы елның 1 гыйнварына хезмәт базарындагы киеренкелек коэффициенты вакансиягә 0,10 кеше тәшкил итә.

2022 елда мәшгульлек хезмәте органнарына эш эзләү максатыннан – 3740 кеше мөрәҗәгать иткән. 2077 граждан эшкә урнаштырылган.