«Татнефть» ААҖ генераль директоры Наил Магановның нефть һәм газ сәнәгате хезмәткәрләре көне белән котлавы

Татарстан җирендә тәүге тапкыр «кара алтын» фонтаны бәрүгә сигез дистә елга якын вакыт узды. Бу вакыйга Татарстан язмышын мәңгелеккә нефть сәнәгате белән бәйләп, республикабызның йөзен тамырдан үзгәртте. Һәм бүген без гаять катлаулы шартларда скважиналар бораулаган, торбалар салган, заводлар төзегән, Татарстан нефтьчеләренең киләчәктәге уңышларына ныклы нигез салган ветераннарыбызга - тәүге юл яручыларга рәхмәт әйтәбез.

Безнең көннәрдә, тор-мышның барлык өлкә-ләрендә даими үзгәрешләр баруга карамастан, нефть тармагы республикабыз һәм бөтен илебез икътисадының төп өлеше булып кала бирә. Ә «Татнефть» компаниясе безнең нефть төбәге һәм анда яшәүчеләрнең иминлеге-хөрлеге, тотрыклы үсеше нигезе булып тора. Алга таба да шулай булсын өчен бездә бар нәрсә дә бар. Без куәтле инженерлык, кадрлар потенциалына, уникаль производство тәҗрибәсенә ия, нефть чыгаруда, аны эшкәртүдә, нефть химиясе өлкәсендә яңа зур колачлы проектларга инвестицияләр салабыз, перспектив юнәлешләрдә - биотехнологияләрдә, IT, яңартыла торган энергетикада технологик лидерлыкка омтылабыз. Торак йортлар, юллар, мәктәпләр, шифаханәләр, балалар бакчалары һәм парклар төзибез. Экология турында кайгыртабыз һәм туган ягыбызны киләчәк буыннар өчен сак-лыйбыз.

Барлык бу уңышлар - безнең зур һәм тату гаилә-безнең һәр әгъзасының казанышы. Скважиналарда, буровойларда, эшкәртү предприятиеләрендә һәм нефть сервисы оешмаларында үз эшләренә чын күңелдән бирелгән профессионаллар - талантлы эшчеләр, галимнәр, квалификацияле инженерлар, җаваплы җитәкчеләр хезмәт куялар. Якташларыбыз - табиблар, укытучылар, полиция хезмәткәрләре, башка һөнәр ияләре дә безгә нефть табуда булышалар. Тормыш безнең алга теләсә нинди авырлыклар куюга да карамастан, без барыбыз да үзебезнең киләчәгебезне һәм балаларыбызның киләчәген төзибез.

Безнең көч - бердәмлектә, тупланганлыкта, сынауларны бергәләп җиңә алуыбызда. Шуның бәрабәренә без иртәгәге көнгә ышаныч белән карыйбыз, үзебез өчен яңа мөмкинлекләр һәм перспективалар ачабыз, туган ягыбызның чәчәк атуына саллы өлешебезне кертәбез.

Барыбызга да хезмәттә яңадан-яңа уңышлар, ныклы сәламәтлек, бәхет-сәгадәт, мәхәббәт һәм наз телим!

Бәйрәм белән сезне, кадерле дуслар, Нефтьчеләр көне белән!

«Татнефть» ААҖ генераль
директоры Наил Маганов