2021 елда Әлмәт районында 75 мөмкинлеге чикләнгән кеше эшкә урнаштырылачак
16 декабрьдә Әлмәт мәшгульлек үзәгендә эш бирүчеләр белән “2021 елда социаль яклауга мохтаҗларны квоталау һәм резервлау” киңәшмәсе узды.
Киңәшмәдә Әлмәт шәһәре прокуроры ярдәмчесе Гөлнара Гайсина, халыкны эш белән тәэмин итү үзәге директоры Минсәгыйть Насертдинов, тернәкләндерү-җитештерү предприятиесе генераль директоры урынбасары Виктория Габдурахманова, шулай ук 30 дан артык эш бирүче катнашты.
Халыкны эш белән тәэмин итү үзәге директоры Минсәгыйть Минсәет улы хәбәр иткәнчә, 2021 елга Әлмәт муниципаль районында 75 инвалидны эшкә урнаштыру өчен квота билгеләнгән һәм социаль яклауга аеруча мохтаҗ 19 гражданны эшкә урнаштыру өчен эш урыннары резервланган.
Прокурор ярдәмчесе Гөлнара Гайсина инвалидларны эшкә урнаштыру өчен эш урыннары квоталау буенча хокукый аспектларга тукталды.
Эш бирүчеләргә шулай ук эш урыннарын квоталау һәм резервлау кысаларында хисап мәгълүматларының ешлыгы, шулай ук гамәлгә ашырыла торган программалар турында да мәгълүмат бирелде. Мәсәлән, инвалидларны эш белән тәэмин итү хезмәте юнәлеше буенча эшкә урнаштырганда эш бирүче хезмәт өчен түләү чыгымнарын компенсацияли ала.
Чараның йомгаклау өлешендә Әлмәтнең «Көньяк-Көнчыгыш» тернәкләндерү-җитештерү предприятиесе җитәкчесе Виктория Габдурахманова эш бирүчеләргә эш урынын арендалау турында өч яклы килешү кысаларында инвалидларны квота хисабына эшкә урнаштыру мөмкинлеге турында сөйләде.
Следите за самым важным и интересным в Telegram-каналеТатмедиа
Оставляйте реакции
