Әлмәт районында Бердәм дәүләт имтиханының төп чоры башланды
Беренче сынау көнендә тарих, әдәбият һәм химия тапшыручы 202 укучы үз белемнәрен тикшерделәр.
Район башлыгы Гүзәл Хәбетдинова чыгарылыш сыйныф укучыларына мөрәҗәгать итеп, киләчәкләре өчен бу этапның мөһимлеген билгеләп үтте:
"Сезгә тынычлык, ышаныч һәм сез туплаган белемнәрне күрсәтү мөмкинлеге телим. Нәтиҗәләр теләгән һөнәргә юл куйсын. Уңышлар!"
Әлмәт районында быел мәҗбүри дәүләт имтиханнарын 11 сыйныфны тәмамлаган 774 укучы тапшырачак. 4 июньдә алар рус теленнән, ә 8 июньдә база һәм профиль дәрәҗәсендәге математикадан имтихан тапшырачаклар.
Параллель рәвештә аттестациягә тугызынчы сыйныф укучылары керешә: аларның төп дәүләт имтиханнары чоры 2 июньнән 19 июньгә кадәр дәвам итәчәк.
Катнашучыларның уңайлылыгын тәэмин итү өчен районда мәктәпләр базасында 6 имтихан үткәрү пункты җәелдерелгән. Барлык аудиторияләр дә тулысынча әзер, санитария нормаларына һәм куркынычсызлык стандартларына туры килә, шулай ук видеокүзәтү системалары белән җиһазландырылган.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
