Әлмәтнең 9 сыйныфы укучылары рус теленнән йомгаклау әңгәмәсендә катнашты

Бүген Әлмәт районының 9 нчы сыйныфны тәмамлаучылар өчен уку елының иң җаваплы көннәренең берсе булды. 2741 тугызынчы сыйныф укучысы рус теленнән йомгаклау әңгәмәсендә катнашты.

Йомгаклау әңгәмәсе дәүләт йомгаклау аттестациясенә кертүнең мәҗбүри шарты булып тора.

Әлмәт районында процедура 58 гомуми белем бирү мәктәбе базасында оештырылган. Уку йортларында үтә күренмәлелекне тәэмин итү һәм стандартларны үтәү өчен барлык кирәкле шартлар тудырылган.