Әлмәт балалар бакчасы чик буенда яшәүче балаларга ярдәм җыюга кушылды

Татарстан Республикасы Әлмәт муниципаль районының Кузайкино авылындагы «Кояшкай» балалар бакчасы гуманитар ярдәм җыю буенча масштаблы «Дуслык поезды» акциясенә кушылды. Ул чик буе районнары балалары янына барачак. Посылкаларда-канцелярия товарлары, тәм-томнар һәм башка бик күп нәрсәләр.

«Без балаларыбызга патриотик тәрбия бирергә омтылабыз. Алар туган илнең, туган илгә мәхәббәтнең нәрсә икәнен белергә тиеш», - дип сөйләде «Кояшкай»  балалар бакчасы мөдире Елена Нуждина.

«Дуслык поезды» «Вакыт поезды» проектының бер өлеше булды. Соңгысы балаларны ил тарихы белән таныштыра, үсеп килүче буында Бөек Ватан сугышы вакыйгалары турындагы истәлекне сакларга мөмкинлек бирә. Акция Төмәннән тәрбияче Жанна Саткеева инициативасы белән барлыкка килде, төп шарт — кулдан язылган хатлар. Әгәр Бөек Ватан сугышы турында балалар китаплардан һәм фильмнардан белә икән, кайберләре өчен махсус хәрби операция зонасы — чынбарлык. Аларның гаиләләрендәге ирләр фронтка китә.

«Бер баланың икетуган абыйсы хәрби. Ул безгә абый шалтыраткан, абый смс җибәргән дип сөйли», - ди Елена Нуждина.

Бакчада тәрбияләнүчеләр посылкалар җибәреп кенә калмыйлар, алачаклар да. Бер уенны Донецк балалары ясаган, аның буенча шәһәрнең истәлекле урыннары белән Кузайкино бакчасында тәрбияләнүчеләр таныша ала. Җавап итеп безнең мәктәпкәчә яшьтәге балалар Татарстан шәһәрләре белән уен ясадылар.

«Уен үз куллары белән эшләнгәндә, балалар аңа үз күңелләрен сала, үз белемнәрен куллана. Мондый уенны сатып алынганына караганда уйнау кызыграк», — дип ышана мөдир.

Тартма-вагонның үзен дә бизәделәр. Республика флагы һәм район гербы аның кайдан булуын сөйләячәкләр. Посылка җибәрергә әзер диярлек. Бу тартма Белгород өлкәсенә китүче «Дуслык поезды» вагоннарының берсе булачак.

Фотоны Елена Бауэр тәкъдим итте