Әлмәт укучылары һәм студентлары «Батырлык сукмагына» чыктылар
Традицион хәрби-патриотик ярышларда 23 команда — унынчы сыйныф укучылары, район югары уку йортлары һәм урта махсус уку йортлары студентлары катнашты.
Әлмәттә "Батырлык сукмагы" уку-кыр җыеннарының йомгаклау этабы узды, анда катнашучыларның күнекмәләрен һәм осталыкларын тикшерүгә юнәлдерелгән 10 бирем бар, дип хәбәр итә балалар һәм яшьләр эшләре идарәсе.
Командалар беренче медицина ярдәме күрсәтүдә, винтовкадан атуда, аны җыюда һәм сүтүдә, яраланган кешене күчерүдә һәм сазлык аша чыгуда үз осталыкларын күрсәттеләр. Һәрбер ноктада балаларны ярышларны оештыручы булган «Сугышчан туганлык» иҗтимагый оешмасы вәкиле ориентирлый..
Үсмерләргә Әлмәт районы Ветераннар советыннан бүләкләр тапшырылды.
Нәтиҗәләр мәктәп укучылары һәм студентлар арасында аерым ясалды. Иң яхшы нәтиҗәләрне 16 нчы мәктәп һәм физик культура колледжы командалары күрсәтте. Икенче урыннарны 20 нче мәктәп һәм В. Г. Тимирясов исемендәге Казан инновацион университетының Әлмәт филиалы вәкилләре алды. Өченче урында 5 нче гимназия һәм медицина көллияте.
Фото: Әлмәт балалар һәм яшьләр эшләре идарәсе
Следите за самым важным и интересным в Telegram-каналеТатмедиа
Оставляйте реакции
