Мәдәният. Сәнгать
Илһам Шакировның 90 яшьлек апасы җырчының балачактан ук моңлы булуын әйтте
"Сугыш чорында тол калган хатыннар аның җырына бөгелеп-бөгелеп елый иде", - диде Зәйнәп ханым.
Илһам Шакировның 90 яшьлек олы апасы Зәйнәп ханым Гәрәева бөек җырчының балачактан ул моңлы булып үсүе хакында әйтте. Бу турыда ул "Татар-информ" хәбәрчесенә мәрхүмне җирләүдән соң үзе сөйләде.
"Бик тыныч, акыллы булып үсте ул. Укырга кергәч тә, һәрвакыт бишлегә генә укыды. Беренче сыйныфтан алып җырларга яратты. Ул вакытта сугыш чорында тол калган хатыннар аның моңына бөгелеп-бөгелеп елый иде. Шул кадәр моңлы бала иде ул, кечкенәдән үк", - диде Зәйнәп ханым.
- Илһам Шакиров бүген Яңа татар бистәсе зиратының үзәк юлында, Миркасыйм Госманов, Шамил Закиров һәм Туфан Миңнуллин каберләре янәшәсендә җирләнде.
Фото: Айдар Әхмәдиев
Следите за самым важным и интересным в Telegram-каналеТатмедиа