Мәдәният. Сәнгать
Әлмәт драма театры актеры «Татарстан Республикасының атказанган артисты» булды
Сәхнә остасы театр сәнгате үсешенә үз өлешен кертә, шуның өчен мактаулы исемгә лаек була.
Әлмәт дәүләт драма театры актеры Илсур Хәертдинов «Татарстан Республикасының атказанган артисты» булды. Тиешле указга ТР Рәис Рөстәм Миңнеханов кул куйды. Бу хакта драма театрының телеграм-каналы хәбәр итә.
Илсур Хәертдинов Әлмәт драма театрында 2011 елдан бирле эшли. Азнакай районында туган актер Алабуга мәдәният һәм сәнгать училищесын тәмамлаган. 2015 елда «Ел актеры» премиясе лауреаты булды.
Следите за самым важным и интересным в Telegram-каналеТатмедиа