«Әлмәт таңнары» һәм «Знамя труда» газеталары «Смена» китап фестивалендә мастер-класслар үткәрәчәк

Әлмәтнең «Знамя труда» һәм «Әлмәт таңнары» газеталары редакцияләре «Смена» җәйге китап фестивалендә мастер-класслар үткәрәчәк.

Әлмәт газеталарыннан «Минем беренче битем» мастер-классы 6 августта 17.00 сәгатьтә узачак. Яшь буенча чикләүләр 7+.

Мастер-класста катнашучылар үзләрен газетаның верстальщигы итеп хис итәчәкләр, исемнәр урнаштырачаклар, материалга фотолар җыячаклар һәм барысын да газета номерына урнаштырачаклар.

Җәйге китап фестивале ике көн дәвамында, 5 һәм 6 августта «Каракүз» скверында узачак.  

Программада:

 бөтен Россиядән төп бәйсез нәшриятлар катнашындагы китап ярминкәсе;
 лекцияләр, дискуссияләр һәм китаплар презентацияләре белән белем бирү программасы;
балалар осталык дәресләре;
 мәдәният хезмәткәрләре өчен һөнәри конференция;
 воркшоплар һәм заманча рәссамнар һәм иллюстраторлар резиденцияләре;
махсус шәһәр проектлары;
«Смена» нәшрият программасы кысаларында Әлмәт белән бәйле 60 нчы еллардагы уникаль китапны яңадан бастыру.

«ТАТМЕДИА» АҖ фестивальдә катнаша. Чарада медиахолдинг үзенең китап продукциясен һәм "Хатлар йорты" проектының дизайнер открыткаларын тәкъдим итәчәк.

Чара «Татнефть» хәйрия фонды белән берлектә оештырыла һәм «Каракүз» зур шәһәр фестиваленең бер өлеше булачак.