Карлыганны ничек дөрес карарга?

Менә, әйтик, яз көне яшь, сәламәт үсентеләр утырттык. Киләсе җәйдә аларда беренче уңыш өлгерәчәк. Аларда җиләк-җимеш эре дә, тәмле дә, хуш исле. Тлә һәм суалчаннар үсемлекләрне яулап алды, өстәвенә онлы чык җәфалый.

Нәрсә эшләргә?

Профилактикадан башларга кирәк. Көздән бөтен коелган яфракларны җыеп яндырыгыз. Куаклар янында бөтен үләнне утагыз, ә туфракны йомшартыгыз, карлыган тамырларына зыян китермичә генә. Йомшартканнан соң, һәр куак төбенә 0,5 литр көл һәм бәрәңге кабыкларын бутап күмеп куегыз. Туфракны киптерелгән үлән яки дөге кабыгы белән каплагыз.

Кыш буе суган һәм бәрәңге кабыкларын  ташларга ашыкмагыз - алар барысы да яхшы эшкә ярый. Вакыт-вакыт аларны бакчага чыгарыгыз: кар асыннан карлыган төбен табып, куак астына шул кабыкларны салыгыз һәм яңадан кар белән күмеп куегыз. Иртә язда, бөреләнә башлагач кына, һәр куак астындагы туфракка 2-3 аш кашыгы карбамид кертегез, ә куакларны үзләрен бордок сыеклыгы белән сиптерегез. Тагын бер атнадан соң суган кабыгы төнәтмәсен куакка сиптерегез.

Чәчәк ата башлаганчы тагын бер кат суган кабыгы төнәтмәсен (бер куакка 1-1, 5 л) сиптерегез. Игътибар: сез караган карлыган чәчәккә күмеләчәк. Куак җиләкләр чыгара башлагач, төбенә суперфосфат эремәсе сибегез (10л суга 2 аш  кашыгы) һәм янә суган кабыгы эремәсе белән эшкәртегез.

Карлыган коры туфракны яратмый, шуңа күрә туфракның һәрвакыт дымлы булуын истә тотыгыз. Июль башына ук карлыган куакларыгыз ямь-яшел, бөтенләй сәламәт, матур, эре җиләкле булачак.

Интенсив тәрбияләү аркасында, гади куаклар бик зур диаметрлы (15-22 мм) җимешләр бирергә мөмкин. Көздән янә куаклар астындагы туфракны казыгыз (бәрәңге һәм суган кабыклары турында онытмагыз), суперфосфат (2-3 аш кашыгын бер куак төбенә) һәм көл белән белән тукландырыгыз.

Барлык танышларыгыз һәм туганнарыгыз сездә зур һәм тәмле карлыган җимешләре булуына гаҗәпләнәчәк.