Түбән Мактамада яшәүче бер ханым социаль челтәрләрдә җирле коммуналь хезмәтләрдән зарлана, аның сүзләренә караганда, аларның гамьсезлеге аркасында подвалда - антисанитария.
“Түбән Мактаманың Совет урамындагы 96 нчы йортның 2 нче подъезд подвалында даими рәвештә канализация агып тора, “хуш исләр” бөтен урамга тарала. Идарәче компаниягә берничә тапкыр мөрәҗәгать иткән идек, килеп, җайлап китәләр, әмма сазлык һаман бар, хәтта чебен-черкиләрдән арына алганыбыз юк", - дип яза ул.
Әлмәтлеләр хатын-кызның шикаятенә төрлечә җавап кайтарган. Берәү хәтта шатланып куйган:
"Менә шундый постларны укыйм да, күңелемнән ничек яхшы яшим икән дим", - дип язган бер ир-ат.
Чыганак: vk.com/almet_nka