Әлмәтлеләрне кисәтәләр: мошенниклар үзләрен «Ватанны саклаучылар» фонды хезмәткәрләре итеп таныштыралар

Әлмәтлеләрне кисәтәләр: мошенниклар үзләрен "Ватанны саклаучылар" фонды хезмәткәрләре итеп таныштыралар 
 
Мошенниклар хәрби хәрәкәтләрдә һәлак булган катнашучыларның гаиләләрен үзләрен «Ватанны саклаучылар» фонды хезмәткәрләре итеп күрсәтеп алдыйлар. Бу хакта район башлыгы матбугат хезмәте кисәтә. 
Җинаятьчеләр мессенджерларда ялган аккаунтлар төзи һәм телефоннан шалтырата. Алар үзләрен фонд хезмәткәрләре дип таныштыралар һәм акча яки шәхси мәгълүматларны белергә тырышалар. Аларның алдау схемалары: түләүләрне рәсмиләштерергә ярдәм итү, һәлак булучыны «кайтару» өчен акча, дезертирлык турында раслау, һәлак булучының никахтан тыш варислары турында хәбәрләр таләп итә. 
Мошенниклардан ничек сакланырга: 
• сезгә шалтыратсалар яки таныш булмаган номердан язсалар, паникага бирелмәгез; 
 сүзне шундук туктатыгыз, бәхәсләшмәгез; 
• беркайчан да банк карталары, паспорт һәм смс кодлары мәгълүматларын хәбәр итмәгез; 
• әгәр шикләнәсез икән, үзегез фондка яки дәүләт органнарына рәсми номерлар буенча шалтыратыгыз. 
Дәүләт фондларының чын хезмәткәрләре мессенджерларда акча сорамый һәм телефон буенча хезмәтләр өчен түләү алмыйлар.