Әлмәттә куркыныч газ объектының эшчәнлеге туктатылды

Әлмәттә куркыныч газ объектының эшчәнлеге туктатылды    

Әлмәт сәнәгать зонасында газ бирүне тәэмин итүче техник узел эшендә тупас хокук бозулар ачыкланды. Тикшерү барышында биш оешма әлеге инфраструктура аша газ белән тәэмин итүне файдаланган, әмма эксплуатант компаниянең кирәкле рөхсәт документлары һәм лицензияләре булмаган. Объект администрациясе биргән мәгълүматның бер өлеше дөрес булмаган яки тулы булмаган булып чыкты. 

Суд карары буенча куркыныч участокта эшчәнлек тәртип бозуларны бетерү өчен 90 тәүлеккә туктатылган. Татарстан республикасы буенча Россия Федераль суд приставлары хезмәтенең Әлмәт районы бүлекчәсе суд приставлары газ компаниясе вәкилләре белән берлектә объектны мәҗбүри ябу үткәрделәр һәм җиһазларны мөһерләделәр. Ачыкланган җитешсезлекләр тулысынча төзәтелгәнче, узелны эксплуатацияләү тыела.

Кабул ителгән чаралар гражданнарның гомеренә һәм сәламәтлегенә куркыныч янауны булдырмауга, шулай ук сәнәгать иминлеге өлкәсендә законлылыкны тәэмин итүгә юнәлдерелгән. Суд карарының үтәлешен тикшереп тору дәвам итә.

Фото: Татарстан Республикасы буенча Россия Федераль суд приставлары хезмәте матбугат хезмәте