Әлмәт кешесе аферистларга 30 миллион сумга якын акча биргән

Әлмәт кешесе аферистларга 30 миллион сумга якын акча биргән

Әлмәт кешесе мошенниклык схемасы корбаны булган һәм 29 миллион сумнан артык акчасын югалткан. Татарстан эчке эшләр министрлыгы хәбәрләренә караганда, барысы да мессенджерда янәсе зыян күрүченең җитәкчесеннән хезмәткәрләрнең террорчылыкка финанс ярдәме күрсәтүдә шикләнелүе турындагы хәбәрдән башлана. Аннары төрле сылтаулар астында ир-атны «куркынычсыз счетларга» акча күчерергә күндергән төрле «көч ведомстволары» вәкилләреннән шалтыратулар була. Җинаятьчеләр аның мөлкәтен сатарга, кредитлар алырга һәм барлык акчаларын үзләре күрсәткән счетларга күчерергә мәҗбүр иткәннәр. Алдау бары тик  чын җитәкче белән шәхси очрашудан соң гына ачылган. Мошенниклар корбаны булуын аңлап, ир-ат полициягә мөрәҗәгать итә.