Машина йөртү хокукыннан мәхрүм ителгән әлмәтле руль артына утырган

Машина йөртү таныклыгыннан мәхрүм ителгән Әлмәт кешесе өч тәүлек арест астында утырачак. Карарны шәһәр суды кабул итте. Эш материаллары буенча, машина йөртүчене ЮХИДИ хезмәткәрләре туктаткан. Аның машина йөртү таныклыгы булмавы ачыкланган-моңа кадәр аны медицина тикшерүеннән баш тарткан өчен мәхрүм иткәннәр. Ир-атны тоткарлаганнар, аңа карата административ материал төзегәннәр, аны судта караганнар да. Утырышта автомобиль хуҗасы гаебен таныган.