Әлмәттә телефон мошенниклары курьерларын хөкем иттеләр

Әлмәттә Казанның 19 һәм 24 яшьлек ике кешесен хөкем иттеләр. Бу хакта ТР Прокуратурасының матбугат хезмәте хәбәр итә.

2021 елның 7 декабрендә 24 яшьлек егет интернет аша 0,98 грамм авырлыктагы синтетик наркотик сатып алган. Казанның Мусин урамындагы 72 нче йорт янында аны полиция хезмәткәрләре тоткарлый, аларны күргәч, егет наркотик белән төргәкне җиргә ташлый.

Моннан тыш, 2022 елның 25 мартында гаепләнүчеләр телефон мошенниклары курьерлары ролендә чыгыш ясый, алар полиция хезмәткәрләре булып, Әлмәтнең дүрт өлкән кешесен «сезнең туганыгыз юл-транспорт һәлакәтенә эләкте» схемасы буенча алдый. Ике зыян күрүче җинаятьчеләргә 100 мең сум, калганнары 200 мең һәм 400 мең сум акча тапшыра. Фигурантлар акчаның бер өлешен үзләренә калдыралар, калганнарын алдау схемасын оештыручы хисабына күчерәләр.

Суд утырышында фигурантлар үз гаепләрен өлешчә таный һәм акчаларын ике зыян күрүчегә кайтара.

Суд өлкән ярдәмчегә 3 ел гомуми режимлы төзәтү колониясендә утыру, аның иптәшенә 2 ел шартлы рәвештә шул ук сынау срогы белән ирегеннән мәхрүм итү рәвешендә җәза билгели.