Әлмәттә хөкем ителүчеләр эскәмиясенә үз танышына пычак кадаган авыл кешесе эләккән

Барысы да 15-16 апрель төнендә Әлмәт районының Шарлама авылында урнашкан йортларның берсендә була. Ул вакытта дуслар арасында ызгыш чыга. Аларның берсе, исерек хәлдә, пычак эләктереп, дустының күкрәгенә кадый, шуннан соң качып китә.

46 яшьлек ирне РФ Җинаять кодексының «аңлы рәвештә сәламәтлеккә авыр зыян китерү» маддәсе буенча җинаять кылуда гаеплиләр. Хөкем ителүче үз гаебен танымаган. Суд аны гаепле дип тапкан һәм гомуми режимлы колониядә җәза үтәп, өч елга ирегеннән мәхрүм итү рәвешендә җәза билгеләгән.