Музыкасының тавышын киметергә теләми полициягә ташланган 25 яшьлек әлмәтлене хөкем иттеләр

Әлмәт судында хакимият вәкиленә карата көч куллануда гаепләнгән 25 яшьлек егеткә карата җинаять эшен карадылар. Бу хакта шәһәр прокуратурасы матбугат хезмәте хәбәр итә.

Суд быелның июль аенда хөкем ителүченең һәм аның дустының «Алсу» микрорайонында торак йортлар янында булуын һәм каты музыка тыңлавын ачыклаган. Полиция хезмәткәре тавышны киметүне таләп итә, чөнки ул җәмәгать тәртибен бозып, гражданнарга комачаулый. Егетләр тавышны киметкән, әмма исерек хәлдә булган хөкем ителүче хокук сакчысы белән низагка кергән.

"Аның барышында егет полиция хезмәткәренә 19 тапкыр сугарга өлгерә",-дип билгеләп үтелә матбугат хезмәте хәбәрендә.

Егетне полиция экипажы тоткарлый.

Судта егет үз гаебен тулысынча таный һәм тәүбә итә, ул зыян күрүченең сәламәтлегенә китерелгән зыянны каплый. Шуңа да карамастан, хөкем ителүченең элек хөкем ителмәвенә һәм кечкенә баласы булуына карамастан, суд аңа реаль иректән мәхрүм итү рәвешендә җәза билгеләде. 

Әлмәт шәһәр суды карары нигезендә, ир-атка колония-поселениедә җәза үтәп, 8 айга ирегеннән мәхрүм ителү җәзасы билгеләнгән.

Хөкем карары законлы көченә кермәгән әле, якларның  югары инстанциягә шикаять бирергә вакыты бар.