Әлмәт ковид-госпитале үз көчен арттырырга әзер

Бу хакта Әлмәт районы башлыгы Тимур Нагуманов туры эфир вакытында әйтеп узды.
⠀
«Бүгенге көндә Әлмәтнең ковид-госпиталендә 128 кеше эшли. Вакытлыча йогышлы авырулар госпитале базасында барлыгы 190 койкага кадәр җәелергә мөмкин. Өстәвенә, өченче мәйданчык бар — тире-венерология диспансеры бинасы. Әмма әлегә бу этапта мондый ихтыяҗ юк", - дип билгеләде шәһәр башлыгы.
⠀
Аның сүзләренә караганда, Әлмәт районында коронавирус йогышы белән бәйле вәзгыять буенча чикләүләр кертү өчен сәбәпләр юк. Әмма табиблар, Мәскәүдәге вәзгыятьнең ничек үзгәрүен күзәтеп, оператив әзерлектә торалар.
⠀