Казанда, Югары Осланда һәм Лениногорск районында мәктәп укучылары өйләреннән укыйлар.
Татарстанда ОРВИ аркасында 38 сыйныф укуны туктатты. Бу хакта «Татар-информ» мәгълүмат агентлыгында узган матбугат конференциясендә Роспотребнадзорның ТР буенча идарәсе җитәкчесе урынбасары Любовь Авдонина хәбәр итте.
"Барлыгы 38 сыйныф һәм 942 укучы укуны туктатты» - дип билгеләп үтте спикер.
Көчле вирус инфекцияләре аркасында Казанда - 33 , Югары Осланда - 4, Лениногорск районында 1 сыйныфны өйдә укырга җибәрделәр.
Искәртеп узабыз, дәресләрдә укучыларның 20% тан артыгы булмаса, классны таратуга җибәрелә.