Әлмәтлеләр янган йорттан 87 яшьлек пенсионерны коткарганнар

Әлмәттә янган шәхси йорттан 87 яшьлек бабайны коткарганнар. Пенсионерны янган бинадан күршеләре алып чыккан. Бу хакта Россия гадәттән тыш хәлләр министрлыгының Татарстан буенча баш идарәсе сайтында хәбәр иттеләр.

Ут Полевая урамында башлана. Янгынның мәйданы 100 кв.м. тәшкил итә. Газ җиһазларын төзү һәм эксплуатацияләү кагыйдәләрен бозу - янгынның беренчел сәбәбе.