Әлмәттә Комсомол паркында авария хәлендәге агачларны кисү эшләре башланды

Гомумшәһәр киңәшмәсендә башкарма комитет җитәкчесе Гүзәл Хәбетдинова объектларның һәм агачларның торышы турындагы мәсьәләне күтәрде.

«Бу гамьсезлекнең турыдан-туры нәтиҗәсе. Кем тикшермәгән – шул гаепле дә», - дип җавап бирде җитәкче.

Элегрәк Гүзәл Хәбетдинова  экология һәм төзекләндерү департаменты директорына шәхси һәм иҗтимагый территорияләрдә авария хәлендәге объектларны һәм агачларны инвентаризацияләүне йөкләгән иде.

Җитәкче эш планын формалаштыруны һәм гамәлгә ашыруны таләп итте, авария хәлендәге агачларны юк итү алга таба үсентеләр утырту белән бергә барырга тиешлеген ассызыклады:

«Эшләгез. Сузмагыз. Һава торышы азмы-күпме мөмкинлек бирә. Әлбәттә, без агачларны кисеп кенә  калмыйбыз, утыртабыз да. Утыртканнар үсәргә тиеш".

Ул билгеләп үткәнчә, кисүне компенсацияләү генә түгел, ә үсентеләрне карап та тору кирәк. 

«Агач утырту формальлек булырга тиеш түгел – бу озак вакытлы перспективага эш", - дип өстәде ул.

Бүгенге көндә Комсомол паркында авария хәлендәге агачларны кисү эшләре башланды.