Әлмәттә экологлар катнашыннан соң чүплекне җыештырдылар

Әлмәттә чүплек бетерелде. Бу Татарстан Экология һәм табигый байлыклар министрлыгының көньяк-көнчыгыш территориаль идарәсе инспекторлары катнашканнан соң булды.

Экологлар «Мирас» спорт комплексы артында 252 кв.м мәйданлы чүплек тапкан. Башкарма комитет адресына кисәтү җибәрделәр. Чүп-чарны оператив рәвештә җыештырдылар, дип хәбәр итә Татарстан экология һәм табигый байлыклар министрлыгының матбугат хезмәте.

Фото: Татарстан экология һәм табигый байлыклар министрлыгы