Әлмәт экоактивистлары шәһәр һәм район чишмәләрен җыештырдылар

Әлмәт экоактивистлары чишмәләрне җыештырдылар. Биш сәгать эчендә волонтерлар шәһәр һәм районның дүрт объектында җыештырды. Территорияләр хәзер  80 капчык чүп-чарга чистарак.

Ваемсыз булмаган әлмәтлеләргә ярдәмгә җирле экологлар килде: чүп-чар чыгару өчен капчыклар, перчаткалар һәм йөк машинасы белән тәэмин иттеләр.

30дан артык волонтер шәһәр һәм район сулыклары буйлап рейдка чыкты. Аларның маршрутында дүрт нокта бар: "Урсалинка", "Орленок", "Бәллүр" чишмәләре һәм Нариманка елгасыннан ерак булмаган буа.

Барлык чүп – чар актив, әмма әдәпсез ял итүче гражданнардан: пыяла һәм пластик буш шешәләр, барлык форма һәм фасондагы пакетлар. Волонтерлар арасында Һөнәре буенча экологлар да бар. Рөстәм Шафиков-шәһәр предприятиеләренең берсендә хезмәтне саклау һәм экология хезмәте җитәкчесе. Чишмәләрне җыештыру аның өчен яңалык түгел.

- Бездә бөтен республика буенча берничә дистә чишмә бар, аларда без ел саен шундый ук өмәләр үткәрәбез: тирә – юньне җыештырабыз, чишмәләрне чистартып ремонтлыйбыз, - диде Рөстәм Шәфиков.

Иртәнге 9.00 сәгатьтән 13.00 сәгатькә кадәр волонтерлар шәһәр һәм райондагы дүрт объектта җыештырды. 

Табигать - безнең йортыбыз, аны чиста тоту һәркемнең намус эше. Табигатьне саклыйк!